Претседателски избори 2024

9-ти април

Стево Пендаровски – Делчево:

• Овие избори се многу важни, затоа што од нив зависи дали Македонија ќе продолжи по истата патека и истата магистрала кон Европа и кон развиениот свет или ќе се враќа назад во името на режимот, во кој државата беше цели 11 години.
• Како претседател најголемата работа која ја направивме, за која ни требаше многу памет многу искуство, многу напор и многу време е што го постигнавме договорот со Грција и конечно станавме членка на НАТО. Тоа е според мое убедување најважната работа која сме направиле по 91-та година.
• Втор чекор е што после 17 долги години чекање, се започнаа преговорите со Европската Унија но, за жал кога требало да се продолжат преговорите со европската Унија како држава наидовме на двојна опструкција една од надвор од Бугарија и една од внатре но за опозицијата ова било смртен грев, а без притоа да дадат одговор која е нивната алтернатива.
• Нема стратешка одлука без ветер во грб од граѓаните. Ви благодарам што нè поддржавте во сите тешки одлуки за државата, додаде Пендаровски.

Гордана Сијановска Давкова – Куманово:

• Ќе составам мал претседателски кабинет но со најкомпетентни лица.
• Треба да се продолжи со регрутирање на дипломатите од редот на оние кои се дипломати од кариера.
• Во комисијата за надворешни работи, наместо како досега воопшто да не се појавуваат, треба кандидатите за дипломати за да образложат што ќе прават во другите држави.
• Во Судскиот совет ќе предложам врвни правници кои се почитувани во својата фела.
• Сами треба да си ја земете судбината во вашите раце.

Стевчо Јакимовски – Кавадарци:

• Мојата заложба ќе оди во насока на отворање на нови пазари, а имајќи предвид дека со војната во Украина македонските земјоделци го загубија белорускиот и рускиот пазар.
• Претседателот на државата мора да ја развива и економската дипломатија.
• Целата воена опрема што ја имавме и хеликоптерите и „Сухоите“ и ракетните фрлачи и така натаму, сѐ што можевме да дадеме, дадовме, – – Во мене земјоделците ќе имаат сигурен поддржувач, грижата за земјоделците е многу важна.
• За изгубените пазари и воведените санкции македонските земјоделци не добиваат никакви компензации, значи тука тоа прашање мора да го отвори претседателот на државата, смета Јакимовски.
• Како претседател ќе инсистирам за поттик и развој на наменската индустрија и отворање катедра за вооружување на Машинскиот факултет.

Бујар Османи – Скопје.

• Нема алтернатива за уставните измени. Нема да има влада без уставни измени. И уставните измени ќе почнат да се имплементираат веднаш по изборите.
• Мојата првата задача, мој прв завет во оваа кампања е ЕУ до 2030 година.
• Ако ја пропуштиме оваа шанса, ако го пропуштиме овој историски прозорец на можноста, ќе ни се случи Преспа 2, ќе ни се случи 20 години блокирање во коишто дополнително ќе ја изгубиме и сржта на нашата младина, на нашите граѓани, на нашиот човечки капитал.
• Опозициската ВМРО-ДПМНЕ шири лажен патриотизам. Ннјавуваат дека нема да го спомнат уставното име после изборите, а ги потпишале сите листи за кандидатури за претстојните избори со уставното име.
• Кочењето на европската интеграција е најголемото предавство што може кој било политичар или политичка партија да го направи кон сопствениот народ.

 Билјана Ванковска Мирчевска – Неготино:

• Конечно да почнеме да дишеме слободно како слободна држава, да си ја земеме судбината во свои раце
• Да престанеме да бидеме колонија, да престанеме да бидеме заложници на локални олигарси, феудалци кои ги држат сите во заложништво. Конечно да почнеме да дишеме слободно како слободна држава, да си ја земеме судбината во свои раце.
• Македонците веќе се чувствуваат како граѓани од втор ред во сопствената држава.
• Решенијата што ги содржи мојата програма се многу директни, нема двоумење и дискусија. Ги раскинуваме трите договори што влечат надолу. Мојата порака е дека Европската Унија е бајка.

Арбен Таравари – Скопје:

• Најискрени честитки до сите муслимански верници во пресрет на светиот ден Рамазан Бајрам. Се наоѓаме на последниот ден од благословениот месец Рамазан, месецот на жртвување и солидарноста. Ја користам оваа прилика на секој муслимански верник да им го честитам Бајрам. Ви посакувам да ги поминете најубавите моменти со членовите на вашето семејство, посакувајќи им здравје , просперитет и среќа.

Максим Димитриевски – Тетово:

• Досегашните претседатели се покажале дека повеќе се верни на партијата која ги номинирала, отколку на граѓаните кои ги избрале и тоа треба да се промени.
• Ниту еден претседател во историјата на оваа држава, со исклучок на поединци со доблест и став, не се одважија во ниту една прилика да кажат не.
• Никогаш закон кој се прави измени во Кривичниот законик за само-амнестирање на овие актуелни и оние коишто беа, а притоа да молчам.
• Македонија бара претседател којшто ќе излезе од граѓаните и ќе биде претседател на граѓаните, со граѓаните, секојдневно да ги чувствува нивните маки и проблеми и да ги споделува.