Во Косово денеска се одржуваат парламентарни избори. Граѓаните гласаат за нов состав на Собранието, додека политичките партии водат тесна изборна битка.
Последните анкети му даваат предност на сегашниот премиер Албин Курти но конечните резултати ќе бидат сумирани по затворањето на изборните места.
Вчера во Приштина се одржаа завршните митинзи на Демократска партија на Косово (ПДК), а митинг одржа и партијата Демократска лига на Косово -ЛДК.
Во трката за новиот пратенички состав учествуваат 28 политички партии и еден независен кандидат. Граѓаните имаат можност да изберат една партија и до десет кандидати за пратеници.
Овие гласови ќе го изберат новиот состав на 120-члениот Парламент, а пратениците потоа ќе ја изберат новата влада. Според предизборните анкети и политичките аналитичари, главната изборна битка ќе се води меѓу:
Движењето Самоопределување на Албин Курти
Демократската лига на Косово на Лумир Абдиџику
Демократската партија на Косово на Мемли Красниќи
Алијансата за иднината на Косово на Рамуш Харадинај
Собранието на Косово има 120 пратенички места, од кои 20 се загарантирани за припадниците на малцинските заедници:
Српска заедница – 10 пратенички места
Бошњачка заедница – 3 пратенички места
Турска заедница – 2 пратенички места
Ромска (РАЕ) заедница – 4 пратенички места
Горанска заедница – 1 пратеничко место
Изборниот праг е 5%.
Во текот на вчерашниот ден, српскиот претседател Александар Вучиќ упати апел до Србите на Косово масовно да гласаат на денешните избори во Косово. Шест партии и иницијативи учествуваат во трката за десетте пратенички места резервирани за српските претставници:
Српска листа
Српска демократија
Партијата на косовските Срби
Српското народно движење
Граѓанската иницијатива Народна правда
Листа за слобода, правда и опстанок
Клучната политичка цел на српските партии е враќање на Србите во институциите на Косово. Изборната кампања ги зголеми тензиите и ја влоши политичката состојба, оценуваат медиумите во Србија.
Детално за денешните избори во Косово може да погледнете во продлжение:
Ова се први редовни избори што ги одржува Косово по прогласувањето независност во 2008 година. Досега во земјата се одржаа серија предвремени избори.