Published: Thursday, May 16, 2024 15:03
Скопје: Полициски службеници од штипската полициска станица во текот на вчерашниот ден го привеле П.И., на возраст од 29 години од село Црвулево, општина Карбинци, поради бегство од кумановскиот затвор, информираат попладнево од Министерството за внатрешни работи.
– Тој бил баран по централна потерница, врз основа на наредба од Казнено – поправната установа „Затвор – Куманово“, поради бегство од затворот, каде издржувал казна од четири години и девет месеци за сторени кривични дела „тешка кражба“, појаснуваат од МВР.
Лицето било спроведено до кумановскиот затвор за доиздржување на две години и пет месеци од казната.