Амбасадорот на Израел во Србија, Јозеф Леви, го оценува како комплицирано прашањето за
признавањето на Косово од Тел Авив.
„Израел нема ништо против народот на Косово. Јас често патувам таму (во Косово), со нив
разговарам на искрен и отворен начин. Многу Албанци спасиле евреи за време на Втората
Светска Војна… Одлуката да не се признае независноста на Косово не е поврзана со дијалогот помеѓу Израел и Палестина. Тоа прашање е многу помалку поврзано со вашиот конфликт, а многу повеќе со нашиот приватен конфликт, со предизвиците на Блискиот Исток“, ја цитира изјавата белградскиот „Курир“, пренесува Коха.нет.
Леви смета дека бриселскиот договор е „ремек дело“ и нагласува дека тој претставува модел
што Израел би сакал да го спроведе на Блискиот Исток.
„И не е само договорот во прашање, туку и обидите двете страни да воспостават нов дух во
решавањето на повеќегодишните конфликти. Знам колкава болка имаат Србите од минатото
бидејќи тие го доживуваат Косово како нивна света земја. Истото чувство го имаат и Албанците. И пред се двата народи одлучија да си подадат рака и да седнат и да разговараат.
За тоа е потребан храброст“, додаде Леви.