Бугарскиот министер за надворешни работи, Кристиан Вигенин денеска пристигнува во работна посета на земјава. Тема се билатералните односи кои во последните две години се во криза и се најдоа како еден од условите за Македонија во процесот на нејзината европска интеграција.
Дали оваа посета на Винегин може да се толкува како можност за решавање на проблемите кои ги обременуваат билатералните односи побаравме милсење од поранешниот шеф на дипломатијата Денко Малевски и диркторот на Европскиот совет за меѓународни односи од Софија, Димитар Бечев.
.jpg)
Професорот Малевски не е оптимист дека посетата на Винегин ќе го реши проблемот.
Проблемот на македонско бугарските односи е многу комплексен, покомлексен и од нашиот проблем со Грција. За жал интелектуалците ја оставија државата на цедило а политичарите се регрутираат од градинка поради што не сме во можност да формулираме автентична теза која ќе ни овозможи компетентен дијалог со Софија за да не надмине овој комплексен проблем, ни изјави професорот Денко Малевски. Според Малевски добро е да се разговара за соработка во развој на инфраструктурата и други проекти но тоа нема да доведе до решение на суштината на спорот.
Оптимизам не постои ниту меѓу експертите во Софија.
Директорот на Европскиот совет за меѓународни односи, Димитар Бечев смета дека шефот на бугарската дипломатија е наивен.
Вигенин е наивен и прави погрешна проценка дека Груевски е заинтересиран за да се деблокираат европските интеграциски процеси на Македонија. Груевски не го интересира да започне преговри со ЕУ, неговата цел сега кога Србија ќе започне преговри за членство е да покаже дека само Грците се препрека за европската интеграција на Македонија. Груевски оваа посета ќе ја искористи да рече “еве Софија ме подржува и само Атина е проблемот” ни рече Димитар Бечев.
Инаку Вигенин во Скопје ќе се сретне со неговиот домаќин, македонскиот шеф на дипломатијата, Никола Поповски и ќе разговараат за билатералните проекти во инфраструктурата, економијата и регионалното поврзување.
Министерот Вигенин во дипломатската академија на Министерството за надворешни работи ќе има и обраќање на тема: „ЕУ и Западниот Балкан: предизвици во 2014 –та“.
Вигенин ќе се сретне и со собраниската група за пријателство со Република Бугарија.