Мухамед Зеќири, поранешниот генерален секретар на Владата, останува и понатаму во притвор, откако Кривичниот суд денеска му одреди нови 30 дена, кои треба да ги помине во истражниот затвор „Скопје“. Информацијата ја потврдиле од судот, и од адвокатот Александар Трајковски, кој изјавил дека веднаш поднел и жалба.
Воедно од вчера напладне Зеќири се наоѓа и на Инфективната клиника во Скопје, каде е префрлен поради нарушена здравствена состојба, велат извори од семејството.
Со денешната одлука за нови 30 дена притвор, Зеќири влегува во 61 – от ден притвор, бидејќи веќе одлежа двапати по 30 дена. Тој првпат беше притворен на 8 април и ова му е второ продолжување за нови 30 дена.