Комисијата за спречување и заштита од дискриминација, денеска во Гостивар ја продолжи истрагата околу случајот со Ембла Адеми, девојчето со Даунов синдром, кој предизвика бурни реакции во јавноста.
Градоначалникот на Гостивар, Арбен Таравари, во изјава за НоваТВ вели дека членовите на Комисијата разговарале со родителите кои ја поднесоа петицијата до директорот на Основното училиште „Единство – Башкими“.
„Комисијата имаше повеќе прашања и за родителите на децата кои ја поднесоа петицијата, но и за стучните лица од училиштето во кое учи Ембла. Разговараа и со нејзните три наставнички, ги соочивме сите факти поткрепени со документи, во разговорите се вкучија и училишниот психолог и дефектолог, со цел да се добие целосната слика за овој случај. Не е целта да веднаш да се посочи виновникот, туку да се обезбедат соодветни услови за сите деца да имаат соодветно и квалитетно образование“, рече Таравари за НоваТВ.
Тој најави дека ќе побара ново експертско мислење за тоа дали Ембла Адеми и натаму треба да биде дел од „инклузивното образование“ или насоките на стручните лица ќе бидат таа да се врати во специјалната паралелка во која учела во прво одделение.
„До крајот на оваа недела ќе се видам и со родителите на Ембла. На крајот на денот, ние како локална власт мора да го направиме она што е најдобро за Ембла, за таа да добие образование како што заслужува. Да го решиме овој случај што е можно порационално, а не да стигматизираме“, вели Таравари.
Тој за НоваТВ открива дека во последниот извештај на лекарот кој ја прегледал Ембла на 12 ноември минатата година, стои оти таа била агресивна и дека физички повредила соученик.
Од Општина Гостивар велат дека основното образование Ембла го почнала во специјално училиште за деца со попреченост, но по завршување на првото одделение, а на барање на родителите била преместена во инклузивна настава во улилиштето “Единство – Башкими“. Ембла, по барање на родителите, почесто следела настава во попладневната смена.
За случајот со четвртоодделенката Ембла Адеми, постапка отвори Комисијата за спречување и заштита од дискриминација. Постапката беше започната по службена должност, откако на социјалните мрежи се раширија информациите дека единаесетгодишната Ембла останала сама во училишните клупи, бидејќи останатите ученици ја бојкотирале наставата, откако нивните родители испратија петиција во која наведуваат дека не ги пуштаат своите деца на настава.
Од Државниот просветен инспекторат за НоваТВ велат дека по извршениот вонреден инспекциски надвор во училиштето ,,Единство –Башкими – Бирлик” – Гостивар, на В.Д Директорот и на останатите тимови кои се непосредно вклучени во воспитно образовниот процес им било укажано да преземат соодветни мерки и активности за целосно вклучување на ученичката со посебни потреби во воспитно образовниот процес
„Со посебно изготвени планови и програми согласно наодите да се направи план за реализација на часовите кои не се реализирани поради бојкот на наставата на 01ви и 02ри овој месец . Поради констатирани пропусти со записник при надзорот, ќе бидат превземени соодветни законски мерки согласно член 28 од Законот за просветната инспекција, како и согласно член 119 и член 170 од Законот за основното образование“, велат за НоваТВ од Државниот просветен инспекторат
Во чест на Ембла и сите маргинализирани лица, денеска во центарот на Скопје се одржа уметничка акција „Допри ме“. Пораката која ја испратија уметниците беше да постети на „нетолерантноста на сите нас кон се она што е различно, како и на стотиците други деца и возрасни кои секојдневно се соочуваат со слични ситуации, но не на очиглед на јавноста“.
Акцијата „Допри ме“ ја спроведоa неколкуммина активисти во центарот на Скопје, кои на своите тела носеа натписи „И јас имам Даунов синдром, те молам допри ме“.
„Се надеваме дека на тој начин оствариуваме директен контакт со граѓаните и ќе ја сензибилизираме јавноста за овој проблем, барем малку придонесувајќи кон зголемување на толеранцијата кон различните. Интересен е податокот дека во рамките на денешната акциија која беше спроведена во центарот на Скопје во времетраење од неколку часа од околу 3000 минувачи кои поминаа во непосредна близина на активистите само поразувачки 3% или нешто помалку од 100 луѓе остварија контакт односно ги допреа активистите“, пишаа во допис организаторите и најавија вакви акции и во други градови низ Северна Македонија.
Семејството на Ембла Адеми во Гостивар денеска го посети претседателот Стево Пендаровски, кој малата Ембла и ја испрати до училиштето каде посетува настава. Тој ги охрабри и поддржа родителите во нивната борба за заштита на правата на децата со атипичен развој и ја поздрави брзата реакција на Народниот правобранител и одлуката на Комисијата за заштита од дискриминација да отвори постапка за случајот со Ембла.
Алармот за Ембла Адеми, го вклучи нејзиниот татко Илир кој преку социјалните мрежи на стартот од второто полугодие објави фотографија на која пиша дека Ембла најверојатно нема да седне во училишната клупа бидејќи родителите на нејзините соученици преку петиција одлучиле да ја бојкотираат наставата. По реакциите на министерот за образование и наука, Јетон Шаќири, градоначалникот на Општин а Гостивар, Арбен Таравари, Народниот правобранител, Хелсиншкиот комитет за човекови права и УНИСЕФ, Ембла повторно се врати во своето одделение.
(Б.Божиновска)