Организациониот одбор на протестите „СТОП на канцерогеното загадување на Тетово“ утре во 11:55 часот ќе го блокира патот кај кружниот тек на влезот на Тетово изразувајќи револт на мирен начин поради неисполнување на нивните барања од Владатa. Нивните веќе познати барања се:
– Владата/Министерството да се произнесе со статусот на исполнување на условите поставено во Оперативниот План за Југохром и воедно да им нареди на сопствениците на Југохром под итно да запрат со работа додека не ги постават соодветните филтери предвидени со спомнатиот документ. „Во оваа прилика сакаме да им дадеме на знаење на пошироката јавност, работниците на Југохром и на нивните семејства дека Одборот за протести не ги презема овие чекори со цел затворање на фабриката, но сака да го заштити здравјето на сите граѓани со поставување на филерите“, се вели во нивното образложение.
– Ургентно да се реши случајот со дивите депонни во Полошкиот регион.
– Заради причината што и домаќинствата се идентифицирани како загадувачи на воздухот тие бараат од Владата фактурите за струја да се субвенционираат за 33% со цел да се намали употреба на другите средства за греење, како што се дрва и јаглен.
– Владините и општинските инспекторати за заштита на животна средина да ги казнат, согласно законите, сите физички лица кои илегално ги палат гумите и другите материјали-загадувачи во општина Тетово, Теарце, Желини, Јегуновце, Боговиње и Бервеница.
„Како Организативен одбор ги демантираме сите шпекулации дека протестите се со политичка позадина. Јасни сме во нашите барања со потполно убедување дека нашата цел е пред се хумана, и дека зад оваа иницијатива стојат граѓаните вознемирени од последиците што ни го носи оваа канцерогеното загадување на Тетово, објаснуваат од организацијата.
Велат, свесни се дека не е лесно да се разбуди свеста на граѓаните за еколошкиот геноцид кои се врши на природата, плодното земјиште и пред се на граѓаните на Полошкиот регион, но нема да се повлечат од целта за чист амбиент, за поздраво општество, за намалување на бројот на заболени од канцер и другите заболувања на респираторниот систем.