Поранешни и сегашни функционери неделава ќе треба да дадат искази поврзани со предистражните и истражните постапки што се водат во Специјалното јавно обвинителство.
Минатата недела на распит во СЈО беа лидерот на ДПА Мендух Тачи, поранешниот министер за култура Арифхикмет Џемаили, Силвана Бонева,= екс пратеничка и актуелен член на ДИК и Самка Ибраимовски, претседател на партијата за целосна еманципација на Ромите (ПЦЕР).
Освен Ибраимовски, кој изјави дека е повикан во врска со нерегуларности при гласањето на локалните избори во Шуто Оризари, останатите кои беа на распит не открија во кое својство се повикани и за кој предмет.
Специјалното јавно обвинителство најави интензивирање на работата во втората половина на август. Оттаму наведоа дека лицата кои се повикани ќе бидат од корист со нивните сознанија за разјаснување на околностите по повод сите постапки кои се отворени во овој период.