– Потегот на Руската Федерација воопшто не е изненадување. Имајќи предвид дека тие се во една сериозна воена операција, напад врз соседна земја, се во состојба кога целиот свет им е виновен и целиот свет е одговорен. За ова, не гледам дека нешто посебно ќе значи едноставно во оваа фаза можеме само да ги следиме политиките кои што претседателот Путин ќе ги имплементира во следниот период, вели за НоваТВ Професор Никола Дујовски, прашан да коментира дали ваквиот потег е очекуван и дали би имало некакво безбедносно значење и импликации врз земјава.
– Ние сме земја членка на НАТО, сме кандидат за членство во ЕУ, имаме обврска да пристапуваме кон ставовите во делот на надворешната политика на ЕУ и тоа го правиме соодветно. Македонија немаше друг избор освен да воведе санкции кон Руската Федерација дали тоа ќе значи нешто повеЌе за нас и за нашата безбедност сега е апсолутно рано да се коментира. Во секој случај развојот на настаните е дека не може наскоро да очекуваме смирување на состојбите а тоа значи и влошување на меѓународната позиција на Руската Федерација во однос на сите земји кои што се еве од денес непријателски земји на таа држава, вели професорот Никола Дујовски.
– Жално е што држава од 150 до 200 милиони народ се потпира на ставовите и на политиките на еден единствен човек. Не е прв пат да има разногласие, не е прв пат да има несогласување по однос на меѓународната позиција на било која држава меѓутоа ваквиот начин на однесување на Руската Федерација укажува дека Украина не е крајната цел на нападите на Путин, заклучи Професор Дујовски за НоваТВ.
(М.Т.)