Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Професори: Полициската акција ја наруши автономијата на УКИМ

3
By Нова ТВ on June 7, 2016 ПОЛИТИКА
СПОДЕЛИ
Facebook Twitter LinkedIn Email
Published: Tuesday, June 7, 2016 13:48

Прекумерно вооружените полициски сили кои беа дел од вчерашната полициска акција во кампусот на Универзитетот Св. Кирил и Методиј, повторно ја нарушија автономијата на универзитетот загарантирана со Устав, велат од академската заедница за НОВА.

Тешко вооружени полициски сили со маски на главата. Ова беше сликата која вчера можеше да се види на кампусот на најголемиот и најстар државен универзитет во земјава, Св. Кирил и Методиј.

Акцијата „Еразмус“, во која се осомничени повеќе вработени на Економскиот факултет за злоупотреба на службената положба и примање поткуп, ги вознемири студентите, но и професорите кои се дел од универзитетот.

Повеќе од пет часа, полицијата го држеше професорот на Економскиот факултет во Скопје, Бобек Шуклев, и не му даваше да си замине од УКИМ. Полициските инспектори вршеа претрес во кабинетот на Шуклев, во потрага по докази за сомневањата дека примал мито и ја злоупотребувал неговата службена положба. Беше извршен претрес и во неговото возило, по што полицијата заедно со Шуклев кој го управуваше возилото се префрлија позади Економскиот факултет.

Освен Шуклев осомничени се и други вработени на факултетот за сторени повеќе кривични дела. И покрај сериозноста на делата за која се осомничени професорите, во академската заедница коментираат дека полицијата ја нарушила автономијата на универзитетот, бидејќи немала дозвола од ректорот да влезе на кампусот на УКИМ.

Акцијата можеше да биде спроведена и без толку голема вооруженост на полициските сили, коментираат професорите со кои разговараше НОВА.

Според професорот Ненад Новковски, кој е еден од кандидатите за нов ректор на УКИМ, автономијата на универзитетот е повторно нарушена.

„ Прво, заради прашањето на влегувањето, предимензионираноста на случајот и одобрението за влегување, бидејќи досега такво нешто од менаџментот на факултетот не слушнавме. Без разлика дали има некаква полициска постапка, се знае дека просторот не може да се нарушува со такво присуство на наоружани и маскирани лица. Ваква специјална единица не е соодветна за ваква работа. Мислам дека се работи за покажување на сила. За тоа дека постоело поткуп и злоупотреба на службената положба, на факултетите има такви работи, но сега сметам дека е синхронизирана акцијата со политичките случувања во државата“, вели Новковски.

Професорката на Економскиот факултет, Билјана Секуловска Габер за НОВА вели дека таа бара од сите кандидати за иден ректор на УКИМ, јавно да излезат со осуда на вчерашниот чин.

„Вчера само ја покажаа бруталноста која го искористува секој момент, очигледно е дека тие вчера со полициската акција сакаа во јавноста да се минимизира повлекувањето на аболицијата на Иванов.  Идниот ректор, би требало да биде човек кој ќе знае да ја штити автономијата на универзитетот. Тие не смеат да влезат онака наоружани како што видовме, без дозвола, тоа истото го направија и кога се ставаа огради за градење на новите објекти за ФИНКИ, па кога еднаш нешто ќе се направи, потоа некој мисли дека може постојано да го прави истото“, вели Секуловска Габер.

Стојковски: Нема нарушување на автономијата на универзитетот

Од друга страна, ректорот на УКИМ, Велимир Стојковски за НОВА вели дека со вчерашната полициска акција не е нарушена автономијата на универзитетот, затоа што полицијата влегла на кампусот во согласност член 14 од Законот за високо образование.

„За такви дела за кои веројатно имало присуство таму, за тоа дело не е потребна дозвола од никого. Не може да биде нарушена автономијата, ако е влезено во согласност со законот“, вели Стојковски.

Според овој член од законот, просторот на универзитетите и на самостојните високообразовни установи е неповредлив.

Полицијата и другите државни органи на безбедност не можат без согласност на ректорот да влегуваат на овој простор – „освен за спречување на извршување на кривично дело, на непосредно што претстои или започнато кривично дело, за задржување на неговиот сторител, како и во случај на природни и други непогоди (пожар, поплава и слично)“.

На денешната прес конференција во МВР, министерот за внатрешни работи, Митко Чавков изјави дека полицијата може да влезе на УКИМ согласно Законoт за високо образование, но сепак тие доставиле известување за акцијата и до ректоратот.

ОЈО: Осум осомничени за кривични дела од коруптивна природа на УКИМ

Основното јавно обвинителство за гонење на организиран криминал и корупција по повеќемесечна оперативна обработка на податоци, соопшти дека прибрале докази за основано сомнение за сторени кривични дела со коруптивна природа каде оштетени се студенти од УКИМ.

Осомничени се осум лица од кои шест се универзитетски професори, еден демонстратор и еден управител на бифе во универзитетскиот комплекс. Лицата се сомничат за сторени повеќе кривични дела за кои ќе се одлучува по спроведената истрага. Освен примање пари, според обвинителството, постои степен на основано сомнение дека дел од професорите барале и извршување на сексуални услуги заради полагање на испит.

Во текот на вчерашниот ден при преземените дејствија за прибирање на докази по издадената Наредба за претрес, од обвинителство велат дека еден од професорите е затечен инфлагранти во извршување на кривично дело – Примање на поткуп од 1000 евра, додека за останатите се обезбедени докази во изминатиот период.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.