Електронските здравствени картички, нема да ја имаат вистинската намена, туку ќе ги заменат само сините картони. Поради тоа што не е инсталиран интегрираниот информатички систем, во нив нема база на податоци за болеста на пациентот што е многу важно кога се оди на преглед или во итни случаи.
Проектот кој се најавува повеќе од една деценија, сега доби сосема друга димензија. Парите кои беа предвидени за оваа намена ги снема со ланскиот ребаланс на буџетот, а годинава не се предвидени нови средства. Во Фондот за здравствено осигурување велат дека хрватската фирма која го работи прокетот се обврзала да ги заврши работите до крај и за оваа сума.
Иако беше предвидено да бидат бесплатни министерот за здравство Никола Тодоров се предомисли и граѓаните картичките ги плаќаат по 250 денари. Во буџетот од парите на граѓаните ќе се соберат меѓу шест и осум милиони евра.
Останува отворено прашењето за што министертво ќе ги потроши овие пари. Дали ќе се инвестираат во информатичкиот систем бидејќи граѓаните плаќаат за електронски здравствени картички, но и бараат тие да ја имаат вистинската намена.