Коалицијата за Промени и Правда (ДС, ФРОДЕМ, МОРО РП И ДЕМОС) како врвни два приоритети во својата платформа ги афирмира: Политичка и кривично-правна одговорност за сите што со злоупотреба на довербата на граѓаните ја вовлекоа Македонија во длабока криза, ја ограбија и предизвикаа иселување на креативните и стручни кадри, како и воспоставување на уставни механизми и гаранции дека никогаш повеќе во иднина нема да се гледа црно-бела политичка слика за спречување на авторитарна власт.
– Оттаму беше и нашата намера и желба да ја окрупниме нашата коалиција со политички партии и останати субјекти кои ги подржуваат овие наведени принципи. Откако се убедивме дека наместо овие принципи на површина излегуваат лукартивните лични интереси, суети и сценарија за расцепкување на центро десничаркиот трет блок и формирање на нов четврт блок, сметаме дека е подобро нашата сила и енергија во пресрет на претстојните избори да ја потрошиме на промоција на нашите ставови и принципи отколку на јалови и неискрени преговори кои имаат други интереси и цели, велат од Коалицијата.
Коалицијата за Промени и Правда останува отворена за соработка со сите опозициони партии кои ќе изразат јасен став дека по изборите нема да коалицираат со обвинетите и осомничени криминализирани структури на партиите на власт.