Синоќа во Домот на културата „Кочо Рацин“ во Скопје се одржа промоцијата на најновата книга на новинарот Бранко Тричковски „ВМРО мит концепт крај“ во издание на информатиниот портал Фронтлајн.мк и Шорткат продукција.
Станува збор за обемно издание, авторски текстови колумни на новинарот Тричковски. Книгата е на 635 страници. Содржани се новинарски текстови, колумни кои во добар дел се објавувани на престижниот портал Фронтлајн.мк кој е во издание на „Шорткарт“ продукција. Текстовите на аворот на Фронтлајн.мк се присурни од првиот негов број, од 21-ви септември 2019 година,.
Дизајнот на корицата е на ликовниот уметник Зоран Кардула. Графичката опрема на книгата е на тимот на Шорткат продукција. На задната корица се поместени три кратки осврти на Сашо Орданоски, Валентин Нешовски и на издавачот и уредник на ова издание Џабир Дерала, како и кратка биографска белешка со фотографија на авторот на „ВМРО мит концепт крај“ што ја направи професионалниот фотограф Чедо Поповски.
Во подготовката на овој издавачки проект учествуваше целата редакција Фронтлајн.мк.
Пред преполната сала промотори беа универзитетската професорка Емилија Целаковска, поетот Лазар Попов и новинарот издавач и уредник на книгата, Џабир Дерала. На промоцијата на својата најнова книга. се обрати и авторот Бранко Тричковски.