Денеска, во 21 часот, во клубот „Ла кања“ во Старата скопска чаршија ќе се одржи промоцијата на новиот роман на Лидија Димковска, насловен „Но-Уи“. Ова е нејзино трето прозно издание, по романите „Скриена камера“ и „Резервен живот“.
Промотори на новиот роман ќе бидат Оливера Ќорвезироска и Ристо Лазаров.
Пред неколку недели, Димковска одби учество на Струшките вечери на поезијата после поканата од Управниот одбор и Дирекцијата на СВП поради оставката на Шелева од жири комисијата за наградата Браќа Миладиновци во знак на протест што книгата на Димковска не е во конкуренција за награда.
-Ви благодарам на поканата за почесен гостин – учесник на 55-тото издание на Струшките вечери на поезијата. Иако во поканата пишува дека верувате дека моето присуство на фестивалот ќе придонесе за успешноста на овој значаен собир на поети од целиот свет и искрено се надевате дека ќе ја прифатам, би сакала да Ве известам дека со оглед на околностите во кои ја добив Вашата покана (оставката на проф. Елизабета Шелева од жири-комисијата за наградата „Браќа Миладиновци“ токму поради мојата поетска книга „Црно на бело“) сметам дека поканата од Ваша страна е апсурд над апсурдите и затоа НЕ ЈА ПРИФАЌАМ. Ви посакувам успешен фестивал и помалку тајни и/ли јавни манипулации со кои сами, како организатори, го рушите угледот на Струшките вечери на поезијата, се вели во одговорот од Димковска.
Повеќе за одбивањето на Димковска да биде дел од Струшките вечери: https://novatv.mk/poterata-na-ss-brigadite-vo-lov-na-lidija-dimkovska/