Сите 17 патници во авионот „Антонов-28“ кој имаше тешко слетување во близина на Томск се живи, соопшти руското Министерство за вонредни ситуации, пренесува агенцијата ТАСС.
Министерството претходно соопшти дека патничкиот авион имал тешко слетување во областа на Томск и дека на локацијата на кој слетал се пронајдени преживеани лица.
– Локацијата на тешкото приземјување на авионот е откриена во 14:36 часот по локално време. Во близина на авионот се забележани преживеани лица“, соопшти прес-службата на Министерството.
Сибирската регионална единица за потрага и спасување, исто така, потврди за ТАСС дека спасувачките тимови го пронашле исчезнатиот авион.
– Авионот кој претходно се водеше како исчезнат е пронајден. Спасувачкиот авион известува за живи луѓе. Нивната состојба и здравје во моментот не се познати, соопшти нешто порано регионалната спасувачка единица на Сибир.
Руските новински агенции првично известија дека авионот во кој имало до 17 лица, меѓу кои и четири деца, исчезна од радарите додека летал над Томската област. Леталото било со екипаж од три члена.
Колку за потсетување, остатоци од авионот „Антонов-26“ минатата недела беа пронајденио на полуостровот Камчатка, при што ниту еден од 28 патници не ја преживеа несреќата.