Телото на помлад маж е пронајдено во Дунав кај Ада Хуја. Како што дознава „Блиц“, гардеробата на мажот во принцип соодветствува со описот на гардеробата што ја носел Матеј Периш од Сплит ноќта на неговото исчезнување.
Телото утрово околу 9.30 часот го пронашле морнари. Се чека идентификација, наведува српскиот портал Блиц.
Од 31 декември се трага по Матеј Периш. Во повеќемесечна потрага беа вклучени и српски и хрватски полициски сили, нуркачи од Србија, а за негово евентуално појавување имаше дојави од граѓани од регионот, но и до Европа.
Таткото на Матеј Периш, Ненад за Телеграф.рс потврдува дека српската полиција го информирала дека во водите на Дунав е пронајдено тело на млад маж кој по описот и гардеробата би можел да одговара на неговиот син кој исчезна на новогодишната ноќ.
-Мора да се спореди ДНК, но по облеката пронајденото момче одговара на Матеј. Ете, тоа е она што можам да ви го кажам, немам засега ништо повеќе. Многу ми е тешко и очекувавме некоја посреќна информација, но секоја вистина е вистина и со неа ќе мора да се соочам, јас и моето семејство. Тоа е така, повеќе не можам ништо да кажам. Многу ми е тешко. Ќе дојдам во Белград, изјавил Ненад Периш.
За потсетување српските медиуми објавија дека утринава е пронајдено тело на млад маж кој на себе имал имал фармерки, маица со апликација и една бела патика. Ваквиот опис првично одговара со описот на Матеј Периш.