Продуцентот Мартин Слатски кој ги соочува кандидатите за претседател на САД, пренесувајќи го успешно тоа искуство преку Србија и Босна дојде во Македонија со цел да ги соочи кандидатите за градоначалници и не успеа.
Мартин Слатски со своето долгогодишно искуство од организирање на политички соочувања во рамките на проектот на “Националниот демократски институт” од САД требaше искуството на развиените демократии да го пренесе и во Македонија, а со тоа да придонесе и кон развојот на културата на дебатирање.
Проектот во рамките на кампањата “Фер избори” требал да се рализира на програмата на МТВ 1 како јавен сервис. “Националаниот демократски институт “проктот го започнал уште лани во октомври, кога за идејата добил подршка од сите политички партии и МРТВ. Парите биле обезбедени од швајцарски фондови и од американската агенција ЈУ ЕС ЕЈД.
Се се одвивало според предвиденото се до почетокот на реализацијата, односно соочувањето на кандидатите за градоначалници во неколку општини избрани од изведувачите на проектот според утврдени критериуми кои ја земаат во предвид бројноста на населението и географската рамка на општините. Владејачката партија и МРТВ во последен момент ги отфрлиле понудите и проектот пропаднал.
“Поради околности кои не зависат од нас, “Националниот демократски институт” (НДИ) не беше во можност да постигне договор со Македонската телевизија во врска со планираните дебати на кандидати за градоначалници. НДИ искрено им се заблагодарува на сите кандидати кои учествуваа во обуките за дебатите, како и на партнерите кои работеа на оваа иницијатива”, пишува во кусото соопштение за неуспехот на овој проект на НДИ.
На оваа соопштение објавено на Фејсбук страницата на кампањата Фер избори може да се прочита ваков коментар:
“А кои беа околностите? Зарем македонските даночни обврзници нема да дознаат зошто националната телевизија одбива да ги потроши нивните пари од радиодифузната такса за организација на дебати кои се од суштествено значење за граѓаните?”
Од НДИ немаат дополнителни објаснувања.
Како што дознава НОВА, ВМРО ДПМНЕ се согласила за ТВ соочувања во Куманово, Карпош и Тетово, но не сакале да ги прифатат предлозите за Прилеп, Битола и Аеродром затоа што за кандидатите за градоначалици на овие општини немало согласност да учествуваат на дебатите нема објаснување. Ваквиот став на владејачката партија го имало и раководството на МРТВ.
Во изјава за НОВА, одговорниот уредник на првиот програмски сервис на МРТВ Диме Ратајковски вели дека организаторите не ја консултирале МРТВ при истражувањата кои се правени на терен, како и за изборот на општините чиј градоначалнички кандидати требало да учествуваат во дебатата.
Како еден од проблемите за неуспехот кој ни ги наведе Ратајковски е и неможноста да се постигне договор за тоа дали дебатите ќе се снимаат или ќе се емитуваат во живо. МТВ имала став да не се дозоволи емитување во живо за да не дојде до некој инцидент при соочувањето.
По неуспехот на договорот со МРТВ, Националниот демократски институт реализираше соочувања на кандидатите за градоначалник во Скопје, Куманово и Тетово на кои не присуствуваа кандидатите од коалацијата предводена од ВМРО ДПМНЕ. Дебатите беа емитувани на 24 Вести и неколку локални ТВ станици.
Проблемот на отсуство на дебати на јавниот сервис беше забележан и во извештајот на мониторинг мисијата на ОБСЕ и ОДХР за овие избори.
“Додека МРТ 1 не организира никакви дебати, на МРТ 2 сеодржаа 17 дебати помеѓу етнички албанските партии од кои мнозинството беа приклонети на ДУИ” се наведува во извештајот на ОБСЕ и ОДХР.