Од земјите на територијата на поранешна Југославија највисока просечна месечна плата имаат вработените во Словенија во износ од 1 002 евра, а најниска во Македонија во износ од само 352 евра, објавува босанскиот портал „ Вијести “. Анализата на турската агенција Анадолу (АА) која ја објави порталот е направена врз основа на најновите податоци кои се објавени од агенциите за државна статистика.
Просечната плата на вработените во Словенија во јули годинава изнесувала 1,002.75 евра, што е за околу 7 евра повеќе од еден месец порано, односно јуни. Во оваа држава просечната плата варира во текот на годината помеѓу минимумот од 994 евра и највисоката просечна месечна плата од 1005.75, што е највисок износ од останатите држави од Западен Балкан.
За разлика од Словенија, Македонија е далеку на дното не само на територијата на поранешна Југославија, туку и меѓу кандидатите и потенцијалните кандидати за влез во ЕУ. Просечната плата во земјава во јуни оваа година беше само 21,233 денари или 352 евра.
Во исто време, просечната плата во Хрватска во јуни оваа година беше 728 евра.
Од земјите-кандидати и потенцијални кандидати за ЕУ од поранешна најдобро рангирана со највисоката просечна плата е Црна Гора. Во август оваа година, просечната плата во земјата изнесувала 473 евра.
Просечната плата во износ од 400 евра меѓу потенцијални кандидати за ЕУ од поранешна Југославија е уште Босна и Херцеговина. Таму, просечната плата годинава во јуни изнесувала 423 евра.
Вработените во Србија во јули годинава имале просечна плата од 381 евро.
Според статистичките податоци, просечната плата во Албанија во јули оваа година била 377 евра.
За Косово, постои само фактот дека во април годинава просечната плата на заедницата на претприемачите беше 368 евра, се вели во анализата.