МВР упати апел до сите граѓани на Република Македонија да се воздржат од користење на пиротехнички средства за време на новогодишната ноќ.
Полицијата најави за сите оние кои ќе го прекршат законот и ќе го нарушат јавниот ред и мир ќе се соочат со санкции како и парични казни.
Оние кои ќе прават огномети без мерки за безбедност ќе им се изрече казна од 100 до 400 евра во денарска противвредност, додека пак за оние кои ќе пукаат од огнено оружје ќе им се изречат казни од 200 до 500 евра.
Екипата на НОВА вчета го посети реонот на Бит-пазар, каде по инцидентите во неделата кога во полициската акција за собирање петарди полесно беше повреден и еден полицаец, се се одвиваше мирно. Односно петарди и други пиротехнички средства се уште се продаваат, и тоа во присуство на полицијата.
На самото место каде што во неделата се случи инцидентот, вчера пукаа петарди и огномети.
Полицијата изминатиов перид врши секојдневни контроли со цел спречување на нелегалната продажба на пиротехнички средства. Во текот на последниов месец, полицијата заплени околу 200.000 парчиња.
Загрижува честото пукање на петарди во централното градско подрачје поради што се препорачува зголемена внимателност кај граѓаните.
Калиопи, Тијана Дапчевиќ, музичкото дуо „Куку Леле“ и младиот изведувач на народни песни Мустафа Имери ќе ги забавуваат граѓаните вечерва кои Новата година ќе ја дочекаат на плоштадот „Македонија“, забавата започнува во 21 часот.
И оваа година, точно на полноќ, небото над Скопје ќе биде осветлено со спектакуларен огномет.