Кумановските средношколци најавија протести за денеска од 12 часот на градскиот плоштад, каде што ќе ги потенцираат нивните барања за измени во Законот за средно образование, според кој е предвидено математика да биде трет задолжителен предмет за полагање матура.
Тие ќе протестираат и пред единицата на Министерството за образование во Куманово, каде што ќе ги достават барањата и ќе побараат средба со нив за да се постигнат заеднички напори за измена на законот.
Од друга страна, Студентскиот пленум по неколку месеци протести и окупација на факултетите, вчера конечно ја притиснаа Владата и постигнаа договор за изготвување нов Закон за високо образование.
На средбата беше договорено да се фомираат работни групи кои во рок од 30 до 40 дена ќе го изработат новиот концепт.
Студентскиот пленум денеска треба да се изјасни дали ќе се повлечат од факултетите на кои се прогласени Автономни зони.