Вработените во судската администрација денеска повторно, трет ден по ред, ќе протестираат пред Министерството за правда.

Најавуваат дека ќе продолжат се додека не се исполнат барањата за покачување на платите на судската администрација.

Вчера претставници на УПОЗ  не се сретнаа со министерот, туку со советници од неговиот кабинет, но без резултат. Од Синдикатот велат дека нема да отстапат од барањата за зголемување на додатоците на плата.

Претходно Синдикатот беше на средба во Судскиот совет од каде доби ветување дека притисоците врз судската администрација ќе прекинат, а нема да има ниту намалување на платите за штрајкувачите.

Јавните обвинители и на вработените во јавно – обвинителската служба, вработените во судовите бараат 35 проценти зголемување на платите, измени на спорните одредби од Законот за судска служба, Законот за јавен сектор и Законот за административни службеници, и враќање на работното време за судските службеници, од 7:30 до 15:30 часот. Ова е 12-ти ден од штрајкот.