Со пароли „На импотентната власт само народот и се дига“ и „Солидарни против национализмот, корупцијата и непотизмот“, движењето за социјална правда „Ленка“, Левичарското движење „Солидарност“ и други левичарски иницијативи изразија поддршка на случувањата во Босна како и пошироко на Балканот, во сите нивни акции и барања како и во начинот на кој што го изразуваат незадоволството.
На активистите не им беше дозволено да протестираат директно пред амбасадата на Босна и Херцеговина во Македонија, и иако не беа во огромен број, сепак беа под силно полициско обезбедување. На улицата каде што се наоѓа амбасадата полициските претставници имаа поставено околу стотина метри непроодна зона за нив, а забележително беше и присуство на единиците за брзо распоредување близу улицата и активистите кои ја искажуваа својата солидарност.
.jpg)
Тие воедно, посочувајќи ја Босна и Херцеговина како пример, го повикаа секој граѓанин на Македонија кој се чувствува обесправен, искористен, ислажан, експлоатиран или ограбен, да го изрази својот револт, а притоа упатија повик да се избегнуваат медиумите кои фрлаат црна дамка на барањата на босанскиот народ, нагласувајќи дека таму сега се сплотени луѓе од најразлични вери, убедувања и ориентации.
Нивните барања од полицијата, да им се одговори зошто не им дозволуваат директно пред амбасадата да ја искажат поддршката и револтот, неа беа одговорени.
.jpg)
Во меѓувреме, во Босна и Херцеговина протестите траат речиси една недела, а минатата вечер предлозите за надминување на тешката економска ситуација на Пленумот на граѓани и граѓанки на Сараево, беше прекинат со образложение дека не може да се одржи задоволувачкото ниво.
.jpg)