Активисти и членови на партијата на Љубе Бошкоски во понеделник најавија протест пред затворот во Идризово. Протестот во понеделник е само потсетување за директорот на Идризово дека не треба да ја злоупотребува својата положба за партиски или лични цели, велат од Обединети за Македонија. Тие велат дека околку не се потпише решението размислуваат да се преселат пред затворот и да ја блокираат институцијата се додека Бошкоски не излезе од таму.
На протестот кој е закажан во 11 часот ќе биде повикан директорот на затворот, Живко Пејковски да одговори чии наредби спроведува и дали е подготвен да ја презема одговорноста за намерното продолжување на престојот на Љубе Бошкоски во затворот во Идризово.
Од Обеднинети за Македонија велат дека Љубе Бошкоски треба да излезе од затворот веќе следната недела, но директорот одбива да му ги даде трите месеци кои му следуваат на екс-министерот за внатрешни работи, мерка која досега исклучиво е спроведена и ја добил секој затвореник.