Граѓаните кои од Владата, каде што полицијата ги спречи на протестираат, стаса до Основниот суд 1 извикувајќи “Држава партиска”.
Поворката на протестот пристигна прво пред Судот од кој бараат ослободување на притворените од 5 мај наваму.
– Не е случајно што сме тука и не сме ги заборавиле нашите другари, политички затвореници и нема да се повлечеме пред да бидат ослободени, рече пред граѓаните Дејан Лутовски, активист.
Извикувајќи “Оставка” поворката потоа тргна кон Собранието. Како што се движеше поворката се повеќе граѓани му се приклучуваа на протестот. Пред кордонот полиција тие го поставија транспарентот “Збогум Никола”.
Помеѓу транспарентите имаше и пораки кои велеа: “Си беше еднаш еден Никола и никогаш повеќе” и “На импотентна власт само народот и се дига”.
Граѓаните псотојано извикуваа “Оставка” и “Долу диктатура” а на себе носеа самолепливи летни на кои пишува “Ова повеќе никогаш да не се повтори”.
На почетокот на протестот која започна пред Владата на булеварот „Климемнт Охридски“ имаше и транспарент на кој пишуваше “Една Тамара, еден Зоран, еден Институт за белодробни заболувања кај дечиња неизграден!!! Многу мајки… и ни еден Никола повеќе”.
Како и досега, пред Владата кордон полицајци ги спречи демонстрантите да протестираат пред зградата на извршната власт.
Како што рече активистката Биљана Гинова, протестот упатува три барања до Владата: оставка на целата Влада, ослободување на лицата притворени по протестот на 5 мај и формирање Влада која ќе ги демократизира институциите.