Неколку стотици ученици од основните и средните училишта во општина Кавадарци протестираа на градскиот плоштад, блокирајќи го влезот од општинскиот совет, против екстерното оценување.
На протестот носеа транспаренти на кои пишуваше „Стоп за екстерно тестирање“, „Не сакаме екстерно тестирање“.
И во средните училиште во Прилеп денеска имаше протести незадоволни од екстерното тестирање учениците излегоа со транспаренти в рака.
Како што изјавија за НОВА дел од учениците во гимназијата “Мирце Ацев” во втората смена им биле заклучени вратите и одземени трансперентите. Како што велат, биле обвинети дека протеститараат против власта.
Според Бирото за развој на образованието ако ученикот има десет предмети, средниот успех ќе се пресметува за 12 предмети, односно плус двете екстерни оценки. Тестирањето треба да се спроведе од 27 мај до 10 јуни.
Од Министерството за образование сметаат дека екстерното тестирање се прави заради проверка на работата на наставниците, поради тоа што имало премногу високи незаслужени оценки.