Силата ни е во заедништвото, во почитта за и прифаќањето на разликите, во чесноста и во човечноста. И затоа ќе победиме
Кристина Костова
Фашизмот беше победен кога чинот на споделување на фашистичките идеи беше поистоветен со најголем срам, бесчестие и и режим, кога неговите поддржувачи беа социјално прогонети и осудени.
Фашистичките идеи за авторитарност, расен и религиозен национализам, хиерархија, елитизам и милитаризам, за тоталитаризам и анти-егалитаријанизам беа и останаа за најголема осуда.
За жал, шлагвортот на тие идеи веќе некое време е повторно актуелен и прифаќан од поголеми маси, водени од влијателни политички лидери. Разликата е што сега главните фашистички пропагатори се преправаат дека се недоветни, кукавички бегаат од називот што го заслужуваат, но во суштината на нивните апели лежи токму фашистичката идеологија на поделби, традиционализам и длабока омраза кон поинаквите.
Вулгарноста на овие нео-фашисти оди дотаму што без срам се китат со ловориките на предците, некои дури и прават паради со антифашистички предзнак, додека во исто време вршат свирепа агресија и обиди за анексија врз соседите и / или автохтоното население. Притоа прават бројни воени злосторства, не трепнувајќи со око на стотиците илјади масакрирани деца, честопати жртви на бомбардирани детски болници.
Против фашизмот мораме секојдневно да се бориме, овојпат повнимателно и на уште повеќе фронтови, зашто непријателот е станат поподмолен од кога било.
Смрт на фашизмот, слобода на народот!
Од фејсбук ѕидот на авторката