Бранко Кипровски со своето возило „југо 55“, финансиски поддржано од Општина Карпош, денеска на ридско-брзинската трка на Водно го освои првото место во Македонскиот шампионат.
Во голема конкуренција од возачи од Србија, Црна Гора, Бугарија и од Хрватска,на оваа голема спортската манифестација во организација на АК „Перформанс“ и АКК „Проспорт“ што традиционално се одржува на падините на Водно за наградата на Град Скопје, Кипровски се натпреваруваше во класата А-1.150ссм. Тој, и во двете возења на патеката, оствари време од 2 минути, 46 секунда и 72 стотинки и 2 минути, 44 секунди и 39 стотинки.
Според пласманот на натпреварот во рамките на Централноевропската зона, возачот од Карпош,кој возеше брендирано возило со симболите на неговата општина, го освои второто место во неговата категорија.
Ридско-брзинската трка Водно 2013 е во рамки на Македонскиот шампионат, Шампионатот на Централноевропската зона, Црногорскиот шампионат и Купот за безбедност на патиштата, чии членки се сите држави од поранешните југословенски простори. Според организаторите на трката, АК „Перформанс“ и АК „Проспорт“, во автотрката учествуваа 29 возачи од Македонија, Црна Гора, Србија, Хрватска и од Бугарија.