Пунктот за земање на брисеви за Ковид во Струмица е дислоциран во Здравствениот дом и се наоѓа во просторија со посебен влез која ги исполнува условите пропишани со протоколот, информираат од Државниот здравствен и санитарен инспекторат. таму денеска биле инспектори кои извршиле вонреден инспекциски надзор.
„Во тек на денешниот ден ДСЗИ изврши вонреден инспекциски надзор во просториите каде што е дислоциран пунктот за земање на брисеви за Sars Cov 2 на Центарот за јавно здравје во Струмица. Истиот е сместен во просторија на ЈЗУ Здравствен дом и ги исполнува условите пропишани со протоколот.
Пунктот е сместен во посебен објект, со посебен влез, без можност за контакт со други пациенти и вработени. Со ова продолжува земањето на брисеви на пациенти закажани преку матичните лекари, без прекин“, соопштија од ДСЗИ.
Како што објави НОВА, Државниот санитарен и здравствен инспекторат вчера решение со кое му наложи на ЦЈЗ, пунктот веднаш да престане со работа и итно да бараат нов простор во склоп на јавна здравствена установа за да нема застој во земањето на брисеви,
Единствениот пункт за земање на брисеви во Струмица се наоѓаше на фрекфентна улица во близина на центарот, во станбена зграда и иако со посебен влез, луѓето кои доаѓаа за брисеви чекаа на тротоарот каде поминуваат многу луѓе.
Загриженост изразија и станарите на зградата со број 39 на улица„Димитар Влахов“ кои се јавија во НОВА, бидејќи, како што велат, доаѓаат во контакт со пациентите кога поминуваат од тука, некогаш го грешат влезот, а често седат и на скалите во нивниот влез.