На прес-конференција во Владивосток, рускиот претседател Владимир Путин оцени дека е „бесмислено“ сириската влада да користи хемиско оружје кога ја добива војната. Путин упати порака до неговиот американски колега Барак Обама да не ги напаѓа сириските безбедносни сили.
– Јас сум убеден дека тој (нападот со хемиско оружје, н.з.) не е ништо друго, туку провокација од оние кои сакаат да вовлечат други земји во сирискиот конфликт и кои сакаат да ја добијат поддршката од моќни членови на меѓународната арена, а посебно САД.
Американскиот државен секретар Џон Кери вчера изјави дека силите на сириската влада убија 1.429 луѓе со нападот на хемиско оружје во близина на Дамаск минатата недела, јавува.
Г-дин Кери изјави дека меѓу загинатите има 426 деца, и го опиша нападот како “незамислив ужас”.
Набргу потоа, претседателот Барак Обама изјави дека сирискиот хемиски напад е закана за националните безбедносни интереси на САД .
Тој рече дека САД размислува за “ограничена акција”.
Владата на претседателот Башар ал-Асад го негираше извршување на нападот од минатата недела и ги обвинува бунтовничките сили.
Инспекторите на ОН за хемиско оружје ги испитуваат наводните напади со отровен гас и ќе ги презентираат своите докази на ОН, после две недели.
Но, г-дин Кери изјави дека САД веќе имале факти и ништо што инспекторите за оружје на ОН што ќе најдат би можело да му каже на светот нешто ново.