Путин издал наредба вооружените сили на Русија да вежбаат употреба на нуклеарно оружје

Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија. Целта е да се зголеми подготвеноста на нестратешките нуклеарни сили за извршување на борбени задачи.

Во таа насока Генералштабот започна со подготовки за одржување вежби со ракетните формации на Јужниот воен округ а како одговор на провокативните изјави и заканите на одредени западни функционери против Русија, се наведува во соопштението.