Претседателот на Русија, Владимир Путин ќе се соочи со тежок предизвик како во домашната така и во меѓународната јавност, доколку се покаже дека ИСИС или нивниот египетски огранок имплементирал бомба во рускот авион кој минатата недела се урна во Синај, пишува британски Индепендент.
Во несреќата со авионот која се случи еден месец откако Москва почна со бомбардирањата на позициите на ИСИС во Сирија, загинаа 224 луѓе. Тогаш Путин нагласи дека џихадистите на ИСИС се директна закана за Русија.
>> Четирите теории за падот на рускиот авион во Синај
Иако до сега главната полемика за тоа која би можела да биде причината за падот на авионот, ја водеа големите медиуми во светот, весник од Сенкт Петерсбург неодамна известуваше дека биле пронајдени траги од експлозивна направа врз телата на некои од починатите.
.jpg)
Доколку истрагата покаже дека авионот бил срушен од бомба која експлодирала внатре, тоа би претставувало директна терористичка одмазда за руското влијание во борбата против ИСИС.
Токму ваквиот развој на настаните можат да му наштетат на Путин во Русија од аспект на неговата репутација, а тоа да ги изнесе граѓаните на улиците, револтирани од вмешувањето на Русија во решавањето на проблемите на сиријскиот претседател Башар ал-Асад.
Од она што досега се знае за ИСИС, поголема група на џихадисти потекнува од регионот околу Русија, односно Чеченија, каде сепаратистите и џихадистите се уште се активни и покрај успесите на Москва во Чеченските војни во 90-тите години.
