Ова беше пораката на претседателот Владимир Путин во петокот, истиот ден кога британски владин извор тврдеше дека руските војници значително го зголемиле воениот упад во Украина.
Москва не сака или нема намера да оди во било какви “големи конфликти”, Путин инсистираше на говорот на еден младински форум, јави државната Итар-Тас. После неколку моменти подоцна, тој укажа на тоа дека Русија ги “зајакнува нуклеарните сили и вооружените сили”, што ги прави поефикасни и модернизирани.
“Сакам да ве потсетам дека Русија е една од најмоќните нуклеарна нации”, рече претседателот. Ова е реалност, а не само зборови.”
Тој подоцна предупреди: “Ние секогаш мораме да бидеме подготвени да одвратиме било каква агресија против Русија и (потенцијалните непријатели) треба да бидат свесни … подобро да не се против Русија во однос на можен вооружен конфликт.”
Мапата која ја презентираше НАТО како доказ за руската инвазија
Коментарите дојдоа истиот ден кога министерот за надворешни работи, Сергеј Лавров, го обвини НАТО за користење на “слики од компјутерски игри” дека – во неговото гледиште – лажно се направи случај дека руските војници се во Украина. Лавров рече дека “криењето на докази е одлична карактеристика на САД и во многу земји на ЕУ” во однос на Украина.
Портпаролот на Белата куќа Џош Ернест во петокот рече дека – без оглед што вели Кремљ – реалноста е дека руските сили се во внатрешноста на Украина и отвориле оган на украинските воени позиции.
“Оние негирања се целосно без кредибилитет”, изјави Ернест, јави Си-Ен-Ен.
Советот на НАТО вчера одржа вонреден состанок посветен на ситуацијата во Украина.
Јасно е дека руски војници нелегално ја преминаа територијата на Украина. Ова не е изолирана акција туку дел од опасна стратегија која се спроведува со месеци со цел да се дестабилизира Украина како суверена држава, изјави по Советот на НАТО, генералниот секретар Андреас Фог Расмунсен.
Во изјавата Расмунсен нагласи дека руските сили се ангажирани во директни воени операции во Украина и дека Русија продолжува да ги снабдува сепаратистите со тенкови, оклопни возила, артилерија и ракетни лансери.
Русија отвори оган кон Украина како од руска територија така и одвнатре во украинска територија. Ова е грубо кршење на територијалниот интегритет и суверенитет на Украина и е против сите дипломатски напори за изнаоѓање на излез од кризата, изјави Расмунсен.
Во име на целиот НАТО пакт , Расумсен изрази солидарност со Украина и најави дека шефовите на држави и влади на земјите членки на НАТО следната недела на самитот во Велс ќе се сретнат со украинскиот претседател Порошенко.
Категорично го осудуваме непочитувањето на меѓународните обврски од страна на Русија и ја повикуваме да престане со нелегални воени дејствија како и да ја прекине поддршката на сепаратистите, се вели во изјавата на Расмунсен.