Објавувањето на избирачките листи на ВМРО ДПМНЕ предизвика реакции во дијаспората. Членови и симпатизери на ВМРО ДПМНЕ реагираа на одлуката на оваа партија, Васко Наумовски да биде кандидатот кој ќе влезе во изборната трка како застапник на интересите на Македонците во Австралија.
Иако пред неколку дена членовите и симпатизерите на ВМРО ДПМНЕ упатија предупредувачко јавно писмо до раководсвото на партијата ако случајно биде избран кандидат од следниве три имиња Милорад Додевски, Валентин Ристевски или Васко Наумовски ќе се бојкотираат изборите во Австралија сепак Груевски не го послуша гласот на своите членови по којзнае кој пат и експресно без размислување донел одлука кандидат да биде токму Васко Наумовски, се вели во реакцијата објавена на
Радио Илинден- Мелбурн.
Во оваа прва реакција ние како членови и симпатизери на ВМРО ДПМЕН нема да донесеме експресна одлука како што донесува раководсвото во Македонија, но пред да донесеме одлука сакаме да ги собереме информациите од терен и деновиве ќе се изјасниме со конечната наша одлука, а на останатите оставаме сами со своја глава да си донесат одлука.
Но дотогаш објавуваме ОГЛАС бидејќи не знаеме по кој пат Груевски не разочарува како членови на партијата која ние ја основавме заедно со нашите браќа од МК и цела дијаспора и сега дојде време како и секогаш ние да им требаме само да ги донесеме на власт и да им служиме само како гласачка машинерија, а од кога ќе ги донесеме не им требаме ни не сметаат ни за живи, толку не понижуваат без крај, мислејќи дека се многу моќни и мора да гласаме за партијата сакале не сакале – ако не ќе бидеме предавници, се вели во реакцијата објавена на Радио Илинден- Мелбурн.