Собранието попладнево ја прекина работата по 15. седница и како што најави претседателот на Парламентот Талат Џафери пратениците ќе продолжат по локалните избори.
Пратениците денеска шести ден дебатира по Предлог законот за употреба на јазиците, во прво читање.
Џафери рече дека ја прекинува дебатата согласно неговата најава дека Парламентот нема да работи на почетокот на кампањата за изборите, но и, како што рече, да нема чувство дека некој по секоја цена сака да постигне некоја цел.
– Како резултат на дебатата произлезе дека од интерес на граѓаните, да не кажам на дел од граѓаните, е и потребата за носење и на соодветниот закон којшто е во редовна постапка за којшто се надевам ќе продолжиме исто така со успешна и плодна конструктивна дебата, рече Џафери.
Џафери изрази надеж дека никој од учесниците оваа ситуација нема да ја користи во предизборни цели и во кампања.
-А тоа најдобро ќе го ценат, ќе го покажат и ќе го решат граѓаните на РМ, потенцираше Џафери, кој воедно на учесниците на изборите им посака мирна успешна предизборна кампања.