„Во предвечерие на најавени предвремени парламентарни избори и претседателски, главниот и одговорен уредник на медиум со национална лиценца повикува на мобилизирање на гласачите Македонци да гласаат за ВМРО-ДПМНЕ. Со скандалозен јазик преполн со етничка омраза, Латас ги повикува гласачите да гласаат за ВМРО и на тој начин да ја сопрат официјалната употреба на Албанскиот јазик како и постигнувањето на компромис за името што ќе го спречи интегрирањето на Македонија во НАТО и ЕУ“, соопштува граѓанското движење „Разбуди се“.
– Зарем ќе се спречи како што се спречи амнестијата за сите членови на УЧК, или како што се спречи веењето на Албанското знаме, или унапредувањето на Албанскиот јазик, или поклонувањето на војниците на АРМ пред споменикот на УЧК во Слупчане, или назначувањето на еден поранешен командант на УЧК за Министер за Одбрана?
– Советот за Радиодифузија треба ургентно да го казни и веднаш да му забрани новинарска дејност на овој псеудоновинар кој што злоупотребува национална телевизија за да промовира една политичка партија како и да поттикнува меѓуетничка омраза.
– Очекуваме сите политички партии да ја осудат оваа експлозија на омраза и ова неприфатливо лобирање на телевизиски дневник про една политичка партија, против Албанците и против компромисот за името што носи членство во НАТО и ЕУ. Првата реакција треба да пристине од самата ВМРО ДПМНЕ и како што исчезна од екраните новинарката милионер Ивона Талевска, така треба да замине и овој псеудоновинар“, стои во соопштението на „Разбуди се“.