Граѓанското движење „Разбуди се“ остро реагира против почетокот на градежните работи за изградба на хотел и на, како што се наведува во денешното соопштение, „поранешниот српски офицерски дом во центарот на Скопје врз темелите на Џамијата Бурмали“.
Движењето смета дека овие последователни напори на Владата на Македонија креираат впечаток на промислени проекти за поттикнување на етнички реакции, за продлабочување на етничките и верските разлики за да се постигнат политички и изборни придобивки.
„Оваа Џамија беше срушена од страна на српскиот режим и е дел од вековните напори за да се уништи секој албански елемент од центарот како што впрочем се случи и скоро со оттуѓувањето на земјиштето каде што се наоѓа родната куќа на Мајка Тереза. Разбуди се! смета дека овие последователни напори на Владата на Македонија креираат впечаток на промислени проекти за поттикнување на етнички реакции, за продлабочување на етничките и верските разлики само и само да се постигнат политички и изборни придобивки”, се вели во реакцијата на движењето.
Според нив, оваа политика и штети многу на иднината на Македонија, но и на довербата помеѓу етничките заедници, верската толеранција како и меѓуетничките односи.
„Солидаризацијата на македонските медиуми, македонското цивилно општество, македонските интелектуалци, како и македонскиот академски свет кон оваа отворена Србофилија е за жалење и превзема алармантни размери. Отсусноста на храброст за да се предизвика ова масивно перење на мозокот не смее да води кон замижување наспроти овие погубни и изолациони политики и барање на дежурен кривец кај Албанците, американскиот Амбасадор, НАТО или Европската Унија”, се вели во реакцијата на Разбуди се!.