Пратеничката од ДУИ на својот Фејсбук профил вечерва истапи со реакција за одлуката на ВМРО-ДПМНЕ и СДСМ заеднички да настапат на изборите во Кичево и Струга.
Во изјавата пренесена на Фејсбук се вели:
„Кога ВМРО ДПМНЕ и СДСМ се степаа во собранието еден дел од аналитичарите не обвинија нас затоа што не сме се ставиле во одбрана на опозицијата.
– Денеска читам дека двете спротиставени политички сили се спремни заедно да соработуваат за локалните избори во Струга и Кичево.
– Соработката се должи единствено на нивната заедничка инцијатива да спречат победа на еден Албанец во овие две општини.
– Се прашувам дали згрешивме што не заземавме страна или направивме добро што не се позициониравме во овој интраетнички судир кој многу брзо се надмина кога на дневен ред дојдоа Кичево и Струга“, пишува Ермира Мехмети на профилот на Фејсбук.
ВМРО-ДПМНЕ и СДСМ денеска соопштија дека се потготвени за заеднички настап во изборната трка за градоначалничката функција во општините Кичево и Струга.