Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Реакции на потерниците од Меѓународниот кривичен суд за лидерите на Израел и Хамас

0
By Zoran Ivanov on November 21, 2024 ВЕСТИ
СПОДЕЛИ
Facebook Twitter LinkedIn Email
Published: Thursday, November 21, 2024 16:48

Пристигнуваат реакции на потерниците од Меѓународниот кривичен суд, – МКС, за апсење на израелскиот премиер Бенјамин Нетанјаху, поранешниот министер за одбрана Јоав Галант и командантот на Хамас Ибрахим ал-Масри, кој се смета за починат.

Потерниците се издадени за наводни воени злосторства и злосторства против човештвото за време на нападот на Хамас врз Израел на 7 октомври 2023 година и воената кампања на Израел во Газа оттогаш.

Израелските лидери, на чело со Нетанјаху, го осудија барањето за налог за апсење издадено од главниот обвинител на МКС, Карим Кан, и го оценија како антисемитско и срамно.

Израел со гадење ги отфрла апсурдните и лажни обвинувања поднесени против него од МКС“, се вели во соопштението на Канцеларијата на израелскиот премиер Бенјамин Нетанјаху, нарекувајќи го потегот антисемитски.

Израелски претседател Исак Херцог: „Со Одлуката се застанува на страната на тероризмот и злото наспроти демократијата и слободата и се претвора меѓународниот правосуден систем во човечки штит за злосторствата против човештвото на Хамас.“

Мрачен момент за Меѓународниот кривичен суд“, рече израелски министер за надворешни работи Гидеон Саар оценувајќи дека судот „ја изгуби сета легитимност“ и дека издал „апсурдни налози без овластување“.

Израел го брани својот живот од терористички организации кои ги напаѓаат, убиваат и силуваат нашите граѓани, овие потерници се награда за тероризмот, изјави израелскиот опозициски лидер Јаир Лапид.

Според поранешниот израелски премиер Нафтали Бенет „потерниците од МКС се дамка на срам, не за израелските лидери, туку за самиот МКС и неговите членови.“

Израелскиот министер за безбедност Итамар Бен-Гвир изјави дека „Меѓународниот кривичен суд во Хаг уште еднаш покажува дека е антисемитски од почеток до крај.“

Судскиот совет составен од тројца судии напиша дека во својата едногласна одлука оцениле дека има разумна основа да верува дека и „поединците намерно и свесно го лишиле цивилното население во Газа од предмети неопходни за нивниот опстанок, вклучувајќи храна, вода и лекови и медицински материјали и гориво и електрична енергија“.

Ниту една друга демократија со независен и почитуван правен систем како оној што постои во Израел, не била третирана со такви предрасуди од страна на обвинителите, напиша портпаролот на Министерството за надворешни работи Орен Марморштајн на платформата Икс.

Тој додаде дека Израел останува непоколеблив во својата посветеност на владеењето на правото и правдата и ќе продолжи да ги брани своите граѓани од екстремизмот.

Реакции има и од полестинска страна.

Го повикуваме Меѓународниот кривичен суд да го прошири опфатот на одговорноста врз сите криминални лидери на окупацијата, се наведува во официјалното соопштение од Хамас:

Високиот функционер на Хамас Басем Наим оцени дека „ова е важен чекор на патот кон правдата и носење правда за жртвите, но останува ограничен и симболичен чекор ако не биде практично поддржан од сите земји“.

Американскиот претседател Џоз Бајден го критикуваше обвинителот од МКС и го поддржа правото на Израел да се брани од Хамас.

Републиканскиот сенатор Линдзи Греам, близок сојузник на новоизбраниот претседател Доналд Трамп изјави: „Судот е опасна шега. Сега е време Сенатот на САД да дејствува и да го санкционира овој неодговорен орган“.

Реакција пристигна и од ЕУ. Високиот претставник за надворешна политика на ЕУ Жозеп Борел рече дека потерниците на МКС за Нетанјаху и Галант не се политички и дека одлуката на судот треба да се почитува и спроведе.

Министерот за надворешни работи на Холандија Каспер Велдкамп изјави дека земјата е подготвена да дејствува врз основа на потерницата за апсење на Нетанјаху, доколку е потребно.

Портпарол на француското Министерство за надворешни работи посочи дека Франција ќе реагира „во согласност со статутите на МКС“.

Слична реакција дојде и од Блискиот Исток. Министерот за надворешни работи на Јордан Ајман Сафади рече дека одлуките на МКС треба да се почитуваат и спроведат, додавајќи дека „Палестинците заслужуваат правда“.

И покрај налозите за апсење, никој од осомничените најверојатно нема да се појави пред судиите во Хаг.

МКС е последната инстанца која го иницира процесот во случаи кога домашните власти не можат или нема да ги истражат.

Израел не е член на тој суд и претходно се борел против таквите истраги, потсетуваат организациите за човекови права.

 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.