Косово ја зајакна соработката со Турција и со земјите од регионот со цел да спречи и контролира заминувањето на Албанците во војна во Сирија, вклучувајќи и построга контрола во соодветните аеродроми.
Сепак, спречувањето на феноменот на регрутирање на млади косовари останува во заложништво на Законот што забранува учество во туѓи војни, кој не се усвои поради распуштање на Собранието.
Министерот за внатрешни работи на Косово, Бајрам Реџепи, ги нарекува „животни“ луѓето што по делото на Љавдрим Мухаџери заминуваат во Сирија, и нагласува дека во моментот Косово е безбедна средина.
„На тие што на некој начин им е испран мозокот, доколку имаат малку совест, кога ќе ги погледнат овие дела треба да се повлечат. Но, доколку заминале на пат од кој нема враќање назад, тогаш тие немаат ништо заедничко со луѓето, напротив имаат многу заеднички нешта со животните. Сигурно дека ние семе превземале строги мерки за контрола на движењата и имаме добра соработка со Турција – бидејќи преку Турција заминуваат тие – но и со останатите земји од регионот бидејќи некој од нив ги користат Тирана и Скопје”, изјавил Реџепи.
Според него, најголемата опасност е од оние што ќе се вратат, што се под набљудување, а проблемот што се гледа како нерешлив е индоктрината на младите што се врши во џамиите или на социјалните мрежи, нешто што беше нагласено во последниот извештај на американската администрација за верските права и слободи.
Што се однесува на граѓанскиот сектор, тој вели дека Косово се уште нема листа на организации што во позадина имаат терористички цели.
„Ние и денес немаме листа на терористички организации, без разлика дали се европски или американски. Во иднина треба да имаме една таква листа, со цел да им бидат замрзнати активностите или банкарските сметки“, додава Реџепи.
Во моментов околу 50 Косовари војуваат во Сирија и Ирак. Институциите се алармираа по чинот на еден од нив, Љавдрим Мухаџири, кој објави фотографии на кои тој на еден млад човек му го сече вратот.