Гласачките места се отворени за Ирска да се изјасни преку референдум за законите за абортус, објавува Би-Би-Си. Гласањето ќе одлучи дали да го укине делот од Уставот, познат како Осмиот амандман, со што ефективно се забранува абортус во земјата.
Во моментов, абортусот е дозволен само кога животот на жената е во ризик, но не во случаи на силување, инцест или фатална абнормалност на плодот.
Референдумот е резултат на децениската дебата за абортусот во Ирска и ќе биде шесто гласање на земјата за ова прашање.
Сега контроверзниот Осми амандман беше воведен по референдумот во 1983 година.
Тој “го признава правото на живот на нероденото дете и со должно внимание на еднаквото право на живот на мајката, гарантира во своите закони да почитува и, колку што е можно, со своите закони да го бранат и оправдаат тоа право” -што значи дека животот на жената и на нероденото се сметаат за еднакви.
Гласачкиот лист не го споменува Осмиот амандман или абортусот, туку прашува: “Дали го одобрувате предлогот за измена на Уставот содржан во подолу наведениот Закон?”
Броењето на гласовите ќе започне во сабота наутро, со резултат што се очекува рано во сабота вечер.




