Студентскиот пленум денеска организира неформален референдум низ факултите под прашањето „Студенту, дали Студентскиот парламент треба да остане невладина организација како што е во моментот“.
Пленумот континуирано бара Студентскиот парламент на УКИМ да стане тело во рамки на Универзитетот, и да се зголеми контролата над средствата кои оваа организација како невладина во моментов ги троши.
Од Пленумот велат дека успешен референдум би бил оној кој ќе помине во фер и демократска атмосфера, а ако кон тоа се додаде поголемата излезност, успехот би бил загарантиран, но додаваат дека каков и да биде резултатот на истиот, тие ќе ја почитуваат волјата на студентите.
Студентите за референдумот се информираа преку социјалните мрежи и на терен преку флаери, плакати, средби со студентите…истиот беше најавен за 28 септември, но се откажа бидејќи индексите на голем број студенти беа задржани на студентски прашања поради заверка на семестар.
Референдумот ќе се одржи од 9 до 17 часот, а право на глас имаат сите студенти кои со себе ќе понесат индекс или студентска легитимација а ќе се гласа на избирачки места на сите факултети во рамките на УКИМ.