Во Собранието вчера доцна попладне доставен е предлогот за нови министри на Владата.
Предлогот на Владата официјално претпладнево треба да биде достапен на веб-страната на Собранието, информираат од таму.
Се очекува, седницата за реконструкција на Владата да се одржи до 1 јуни, кога е годишнината од изборот на Владата на Зоран Заев.
Досегашната министерка за образование Рената Тренеска Дескоска е предложена за нова министерка за правда, а за министер за образование нејзиниот актуелен заменик Арбр Адеми, кадар на ДУИ. За министер за култура е предложен Асаф Адеми, кој доаѓа од Беса, додека за министер без ресор е предложен Бардул Даути, која доаѓа од ДПА.
За министер за култура е предложен Асаф Адеми, кој доаѓа од Беса, додека за министер без ресор е предложен Бардул Даути, која доаѓа од ДПА.
На заменичкото место на Арбр Адеми во образование ќе биде предложен пратеникот од СДСМ Петар Атанасов, додека за заменик министер во Министерството за надворешни работи се споменува името на поранешниот градоначалник на Центар Андреј Жерновски. Испразнето е и министерското заменичко место во здравство.