Репортери без граници: Делегацијата на ЕУ во Скопје јавно да побара од владата Кежаровски веднаш да биде ослободен
Репортерите без граници (РБГ) се вџашени од апсењето на новинарот Томислав Кежаровски.
“Повикуваме за безусловно и без одлагање пуштање на Кежаровски кој е затворен врз основа на невистинита причина. Неговото апсење и обвинение имаат други цели кои властите треба веднаш да ги објаснат“, вели организацијата.
Тие објаснуваат дека во Македонија се покажало дека апсењата се често злоупотребувани и организирани за да ги натераат новинарите да ги дадат своите извори на информации и да бидат испитувани за други теми.
РБГ ја потсетува владата и судството дека заштитата на изворите е гарантирана од членот 16 на Уставот а затворањето на новинар, кој ги крие изворите, е негово законско право а не нелегална акција. “Бараме од судот да го повлече обвинението. Местото на Кежаровски е дома кај неговите а не во затвор!“, вели РБГ.
Кежаровски нема направено никакво злосторство и ќе беше доволно да биде повикан и за да му бидат поставени прашања. Аспењето на Кежаровски, на начинот на кој е сторено преку лисици и со деградирачки сцени, е начин на властите да ги засилат притисоците кои постојано им ги наметнуваат медиумите кои работат особено тешки услови.
“Ние сме загрижени поради постојаната деградација на слободата на информирање во Македонија. Земјата е на 116 место од 179 земји во нашиот светски список на слободата на медиумите“, вели РБГ потсетувајќи дека аспењето на новинар само ќе ја влоши таа ситуација.
“Ако македонската влада сака навистина да влезе во ЕУ, конкретни и значајни акти ќе треба да бидат направени за да дојде до почитување на истражувачкото новинарство“, вели соопштението.
Освен критиките насочени кон владата организацијата бара од Делегацијата на Европската комисија во Скопје дека таа треба, на 14 јуни 2013 година кога е организирана консултација за плурализмот на медиумите, да потсети која е важноста на почитувањето на слободата на печатот и дека тоа е главниот критериум за земјите кандидати.
“Ја повикуваме Делегацијата во ЕУ во Скопје да ја сензибилизира македонската влада околу овие барања и да бара, и тоа јавно, Кежаровски да биде веднаш ослободен“, вели РБГ.