Најнапред една вест ПРОТИВ некој политички непријател на шефот на ВМРО ДПМНЕ, потоа една дооолга вест во корист на самиот Мицковски, (без сериозен кадар за неговите контакти со присутните на Саемот, без содржина ама со многу издвоено врем)е и конечно веста за Шеќеринска завиткана така да не му наштети на рејтингот на Мизковски: даден е приемот но на начин на кој ќе се одбегне смислата а ќе се задоволат личните потреби на двајца функционери од прваста вмроовска линија.
Љубомир Костовски
Го гледав главниот дневник на МТВ во 19.30 часот, навистина со интерес за една работа – каако ќе се третира приемот на Радмила Шеќеринска, по повод нејзината нова функција на јавниот сервис.
Најпрвин, темата не беше најавена. Добро, одиме понатаму, Саемот на вино во Белград го следат дури две новинарки. Содржината на прилогот беше иста како и во 17 часот. Прилогот траеше половина дневник а во него немаше ниту еден кадар од средбата Вучиќ – Мицковски, ниту Вучевиќ – Мицковски, најавени со свечен тон. Само неколку реченици што не откриваат ништо што би оправдало одење на тасква екипа на саем кој не може да има навистина значење што му се дава во информативната редакција. Барем да имаше разговор со некој навистина голем изворзник од Македонија. Политичкото значење веќе споменавме- без илустрација, како да се работи за некаква сикретна средба во уште посикретни простории. Вел над тајната!
Ајде, дојде на ред приемот на Шеќеринска после 19.45 минути. Хм, имаше таму само изјава на присутната претседателка на државата од две реченици во кои таа ја издвои својата „улога во лобирањето“. Рече дека во вакви ситуации не е битен инддивиодуалниот квалитет, туку моќта на лобирањето. Потоа говореше претседателот на Собранието со неколку реченици и во ист стил. Можеме да замислиме како во НАТО легнале на нивното инсистирање да имаме генерален секретар на таа органзиација.
И побитно – немаше слика на Шеќеринска! Кој го правел приемот, кој луѓе учествувале таму… всушност имало ли луѓе? Двете осамени изјави, споменати, беа снимени некаде во антратето. Можеби требале и надвор на паркингот, ама задоцниле снимателите.
Инаку, да не заборавам, приеритет во Дневникот, барем во редоследот, секако по уредувачки избор (Фиданка Стоевска), го имаше протестот што градоначалникот на Шуто Оризари Дудуш го направи пред Градското собрание, што другите медиуми го прогласија за екстремно несупешен со одзивот. Битно во таа вест – „студиозно“ визуелно прикажана така да нема шанса да проѕрете колку луѓе излегле во Градски парк. Снимателот се измачил давајќи ги се истите пет-шест луѓе од жабечка перспектива. Битно е да се остварува дневната агенда на Мицковски. Најнапред една вест ПРОТИВ некој политички непријател на шефот на ВМРО ДПМНЕ, потоа една дооолга вест во корист на самиот Мицковски, (без сериозен кадар за неговите контакти со присутните на Саемот, без содржина ама со многу издвоено врем)е и конечно веста за Шеќеринска завиткана така да не му наштети на рејтингот на Мизковски: даден е приемот но на начин на кој ќе се одбегне смислата а ќе се задоволат личните потреби на двајца функционери од прваста вмроовска линија.
Жално, за што служи националниот радио-дифузер …
Од Фејсбук ѕидот на авторот