Генералниот секретар на ОН, Бан Ки-мун им соопшти на постојаните членки за Советот за безбедност дека анализата на примероците кои ги собрале инспекторите на ОН во Сирија би можела да трае со недели.
Бан ова им го соопштил на Британија, Кина, Франција, Русија и САД за време на состанокот во Њујорк, пренесува Ројтерс неименувани дипломатски извори.
Финалните резултати од анализата би можеле да бидат готови за две недели, навел Бан.
Инспекторите на Обединетите нации кои вчера завршија со истрагата за евентуалната употреба на хемиско оружје во сирискиот конфликт ја напуштија Сирија и пристигнаа во Либан. Инспекторите во Сирија беа цела недела. Тие од Бејрут треба да отпатуваат за Хаг, каде се наоѓа централата на Организацијата за забрана на хемиско оружје.
Американскиот претседател Барак Обама изјави дека тој целосно ја почитува одлуката на Дејвид Камерон по парламентарната блокада на Велика Британија за вклучување во евентуалната воена акција во Сирија.
Тие разговарале по телефон за 15 минути, и тонот на разговор бил пријателски, јавува ББЦ.
Премиерот на Велика Британија премиер ги потврдил дека тој се уште сака силна реакција врз осомничените за нападот со хемиско оружје.
Според Даунинг стрит, Обама изјави дека сé уште не одлучиле за воена акцијата на САД врз Сирија.
Сирија ги демантира изјавите на американскиот државен секретар Џон Кери дека сирискиот режим користел хемиско оружје, тоа се „лажни и неосновани“ информации.
Сириското министерство за надворешни работи доцна синоќа соопшти дека изјавите на Кери се „очајнички обид“ да се оправда воениот удар во Сирија, пренесува Ројтерс.
Американскиот државен секретар Џон Кери изјави дека силите на сириската влада убија 1.429 луѓе со нападот на хемиско оружје во близина на Дамаск минатата недела, јавува ББЦ.
Г-дин Кери изјави дека меѓу загинатите има 426 деца, и го опиша нападот како “незамислив ужас”.
Набргу потоа, претседателот Барак Обама изјави дека сирискиот хемиски напад е закана за националните безбедносни интереси на САД .
Тој рече дека САД размислува за “ограничена тесна акција”.