Од денеска, новинарот Роберт Поповски е новиот советник на лидерот на СДСМ, Зоран Заев, информираат од опозициската партија. Поповски ќе го советува Заев за комуникации и креирање политики.
-Врз основа на професионален ангажман, како надворешно, непартиско лице, оваа функција ќе ја извршува Роберт Поповски. Поповски е познат на јавноста во Република Македонија како афирмиран политички новинар, со повеќе од дводецениско новинарско искуство, а последнава година неговата сфера на интерес е креирање и практицирање политики и нивна промоција во јавноста, стои во соопштението од Социјалдемократскиот сојуз.
Од партијата велат дека ставот на Заев е дека Поповски кој, според СДСМ, суштински ги познава новинарската професија, медиумите, односите со јавност, но и политичката сцена во Македонија ќе даде значаен придонес во успешна презентација, видливост, достапност и прилагодливост на политиките на лидерот на СДСМ кон интересите на граѓаните на Македонија.
Роберт Поповски свеовремено беше уредник во Канал 5 а долги години ја водеше дебатната емсисија “Икс-нула“. Во неговата биографија стои дека бил и претседател на Здружението на новинарите на Македонија. До пред неколку месеци во јавноста често излегуваше со ставови дека е разочаран од состојбите во македонското новинарство и од влјанието на поличарите врз новинарите.