Најблиските на починатото 18 –годишното момче бараат обдукциски наод од што настапила смртта и средба со министерот за здравство Никола Тодоров.
НОВА вчера објави дека полицијата поднесе кривична пријава против дваесет и седумгодишната девојка, која шест месеци работела во Брзата помош во Кавадарци со фасификувано уверение за завршен медицински факултет.
По што семејството на Митко Влајков регираше дека токму таа која инрвенирала кога му се слошило на нивниот 18 –годишен син во моментот кога сакал да се вклучи во игра на фудбалскиот натпревар.
– Не викам дека докторката не се трудела или не сакала да му помогне на мојот син. Верувам дека и таа сакала да го спаси и се обидувала да го стори тоа. Но како би можела да му помогне кога не била вистинска докторка, ами докторка со лажни документи. Како таа кога е без диплома ги разбира латинските називи и како знае што да прави во такви ситуации. Видовме дека беше целата збркана. Сега ни е јасно дека само така трчала оти не знаела што да прави. А си мислевме дека трча како за свое дете од хуманост. Сега дури ни е јасно што навистина се случувало. Иако и тогаш кај некои од нас се јави сомнеж дека докторката всушност не е докторка и дека нема завршено ниту за медицинска сестра. Се сомневаме дека, иако можеби сакала да помогне, можеби одмогнала – изјавуваат за „Дневник“ најблиските на Мите Влајков.
Повеќе кавадарчани реагираат дека не е вистина изјавата дека лажната докторка вршела само позадински работи во итната медицинска помош. Тие тврдат дека таа доаѓала во нивните домови и интервенирала врз нивното здравје.
Митко Влајков почина на 16 минатиот месец сред фудбалски натпревар.