*вчерашното вклучување во живо на Денис Родман за CNN
Поранешната НБА ѕвезда, Денис Родман, се извини за коментарите кои ги изнесе на CNN во однос на Американецот Кенет Беј, кој е заробен во Северна Кореја.
– Мојот сон за кошаркарската дипломатија се распадна, бев пијан. Тоа не е оправдување, но бев вознемирен за време на интервјуто, вели Родман.
На прашањето во однос со случајот на Беј кој се наоѓа во Северна Кореја од ноември 2012 година под обвинение дека работел против земјата на Ким Јонг Ун, Родман реагираше бесно и одговори со зборовите: „Сфаќате ли што направи Кенет Беј…дали сфаќате што тој направил во оваа земја?“.
Родман наведе дека презема целосна одговорност за своите постапки, со образложение дека имал стресен ден бидејќи некои од неговите пријатели-кошаркари, заминале под притисок на семејствата и бизнис-партнерите.
Денис Родман во средата му ја отпеа во стилот на Мерлин Монро, и „Среќен роденден“ на Ким Јонг Ун, иако официјално никаде го нема неговиот датум на раѓање.