САД ги прашаа шленките на ЕУ што би им било потребно од Вашингтон за да учествуваат во безбедносните аранжмани на Украина, објави Ројтерс повикувајќи се на документи.
Дипломатскиот демарш испратен минатата недела, а кој се состои од шест точки и прашања, го покренува и прашањето кои земји би можеле да придонесат за гаранциите и дали би биле подготвени да распоредат војници во Украина како дел од мировниот договор и колкава би можела да биде големината на која било сила предводена од ЕУ.
Американскиот претседател Доналд Трамп ги шокираше европските сојузници со тоа што го покани рускиот претседател Путин на средба за Украина без да се консултира со нив.
Во прашалникот, САД ги прашува земјите на ЕУ какви мерки треба да преземат САД, сојузниците и партнерите во случај на руски напад врз тие сили.
Агенцијата потсетува дека во понеделник, на покана на францускиот претседател Емануел Макрон, неколку лидери на европските земји, меѓу кои и Велика Британија и Германија, ќе се сретнат во Париз на итен самит за Украина.